Osterøykalenderen 2012
er no i sal av skuleelevar i Osterøy, og frå tysdag 7. november i Sparebanken Vest, Osterøy Bok og Papir, Bjørndal handel, Joker Fotlandsvåg, Nærbutikken Bruvik, Kiwi Haus, Ole Bull Kro og Osterøy servicesenter.
Denne utgåva av kalenderen har heile 28 bilde frå ulike delar
av Osterøy. Forsida har motiv frå Brakvatne.
Overskotet frå sal av kalenderen går uavkorta til humanitert og førebyggjande arbeid. Pris kr 100,-.
Tilskiparar finn informasjon og påmeldings-
skjema under knappen Kulturdagar over.
Kulturdagar 2011
Det vert kulturdagar på Osterøy i tida 4. - 11. september 2011. Lag og organisasjonar som vil vera med i trykt program må melda tilskipingar til nemnda innan mandag 9. mai. Kulturdagane inngår i Kystsogevekene og det er gratis å få inn tilskipingar i det trykte programmet, som kjem ut i 19 kystkommunar i Hordaland + Gulen.
Kulturminnedagen 11. september har tema:
"Skjulte skattar. Spor i landskapet".
I 2011 skal tilskipingane vise mangfaldet i kulturarva:
monument, verneverdige bygningar, gjenstandar, bygningsmiljø, kulturlandskap, handtverk, stader knytt til sagn og historiar – gjerne knytt til ei vandring til sjøs eller til lands.
I år vert Kystsogevekene opna i Os laurdag 13. august.
Bilder til Osterøykalenderen 2012
Kalenderen er no under planlegging. Kalenderkomitéen ønskjer seg gode bilder frå Osterøy til kalenderen. Du kan levera bilder gjerne med tekst til medlemar av komitéen (dei finn du bak på årets kalender), eller på e-post til fotografsolberg@gmail.com.
Premiering i form av kalendrar.
Heimalanne' på Herlandsfoss gamle kraftverk sundag 13.09.2009 kl 20.00
Medverkande Osterøy Janitsjar – åleine og i samspel med Heimalanne'
|
Støtta av |
 |
|
 |
Du har vel høyrt "Dar ska' eg bu" på radio i sommar. Her kjem dei skuldige for sumarhiten.
Møter du kl 19.00 får du med deg omvising på Herlandsfoss kraftverk. Konsertstart kl 20.00.
Heimalanne' har Vestlandets råaste besetning og står for jordnær kvalitetsmusikk med trøkk og nærhet, musikk du kjem i godt
humør av. "Aus vatn på" vert sjølvsagt også å høyra på Kulturminnedagen, som har tema "vatn og kulturminne frå dagleglivet".
Konserten avsluttar Kulturdagane på Osterøy og Kystsogevekene for i år.
Bestilte billettar som ikkje er henta innan kl 19.45 konsertkvelden, vert selde ved inngangen. Kontakttelefon 90 50 48 94.
Billettpris kun kr 120/60. Førehandstinging av billettar er slutt sundag kl 1430. Møt opp på Herland, det er billettar att.
Fleire nye kulturtilskipingar
Talet på enkelttilskipingar under Kystsoge- vekene på Osterøy er no oppe i 40. Fleire
nye
tilskipingar har kome til etter
at trykt program vart distribuert.
I tillegg har fleire tilskipingar utfyllande informasjon.
Orgelkonsert i Hamre kyrkje,
medverkande under konserten i Hosanger kyrkje,
Bruvikdagen med dans om kvelden,
Gudsteneste i Kossdalen,
Konsert med Rita Eriksen i 250-meterskogen,
tidspunkt for musikalen Trolldom på Osterøy museum,
er tilskipingar som ikkje står i trykt program.
Statsråd Helga Pedersens mottar ein modell av ein
oselvar i keramikk som gåve frå Kystsogevekene ved
styreleiar Bjørn Myhren.
Kystsogevekene opna av fiskeri- og kyst- minister Helga Pedersen
Kystsogevekene er den største mønstringa i sitt slag
i
landet, med 190 tilskipingar i 20 kystkommunar frå Sveio til Gulen.
Statsråd Pedersen la i opningstalen vekt på samhaldet og identiteten til folket på kysten. Ho hadde sett seg godt inn i programmet for Kystsogevekene, og hadde jamvel fått med
seg at ei av tilskipingane er pysjamasdisko i Mjeldalen.
Føre opninga ynskte ordførar Ole Lysø velkommen til Austrheim. Styreleiar Bjørn Myhren held ein feiande tale der han mellom anna trekte fram utviklinga av Kystsogevekene og at kystkulturen også er i utvikling.
Austrheim kommune hadde laga ei flott rame rundt dagen. Her var sal av tradisjonsmat, demonstrasjon av tradisjonelt handverk, historisk fotoutstilling og flott underhaldning frå scena.
Til å rama inn det heile låg Oster og Granvin ved kaien.
I tillegg til lokale strilafolk kom folk frå store delar av fylket samt inviterte gjestar frå kommunane som deltar i Kystsogevekene.
Sjå komplett program på www.kystsogevekene.no og program for Osterøy i menyen under Kulturdagar.
Neste år vert opninga av Kystsogevekene den 14. august ved Bullahuset på Valestrand på Osterøy i samband med det historiske spelet om Ole Bull.
Elin Njåstad takka på vegne av Vennskapsporten 4H
som skal nytta midlane på Villmakrsleiren ved Austra-
vatnet og til å laga ein naturmøteplass for alle ved den
nye badeplassen ved Husavatnet.
Tusen takk for gåva!
Dei
takknemlege gåvemottakarane smilte om kapp då Sparebanken Vest avdeling
Osterøy onsdag delte ut midlar av overskotet i banken til ålmennyttige
formål.
Mange spente lagsrepresentantar var frammøtte på Fjordslottet for å motta midlar til sitt lag. Mellom 5 og 75 tusen kroner kunne dei ta med seg heim att.
Avdelingsbanksjef Mikal Daltveit trekte fram oppgåva med å dela ut desse midlane som det kjekkaste han og damene "hans" i banken er med på.
"Solveig og gutane" stod for det kulturelle innslaget og kunne muntra forsamlinga med toradar, trekkspel, munnspel og song.
Osterøy idrottslag fekk tildelt den største potten på kr 75.000. Fotlandsvåg idrettslag og Hausvik fotballklubb fekk kr 50.000 kvar til kunstgrasbane. Å kunna tilby kunstgrasbane er eit vere eller ikkje vere for idrettslaget, mente Ove Pedersen i Fotlandsvåg IL.
Fullstendig liste over tildelingar saman med bilde av blide gåvemottakarane finn du her.
Ole Bull i 200 år
Ole Bull sitt 200-års jubileum skal feirast i Ole Bull si "heimbygd". Her var han med familien om sumrane,
her busette han seg med den fyrste kona si. Her kan besøkjande framleis kjenne "ånda" hans i veggane, når Knut Hendriksen med innleving fortel om tippoldefaren.
Storslått vert det når Kinnaspel-forfattar Rolf Losnegård og samarbeidspartnarane hans i Aldateateret skriv manus. Profesjonelle skodespelarar og musikarar frå Harmonien deltar i samspel med lokale krefter.
Det vert også profesjonell instruktør, scenografi, lyd
og lys til det kveldsoppsette spelet med arbeidstittel
"Ole Bull - fossegrimen på Valestrand". Til å spela Fossegrimen har meldt seg ein for tida særs opptatt ung mann med fiolin på armen.
Kulturdagsnemnda ønskjer engasjement frå heile Osterøy til dette store kulturløftet. Meir info kjem.
Tilskiparar finn informasjon og påmeldings-
skjema under knappen Kulturdagar over.
Kulturdagar 2009
Det vert kulturdagar på Osterøy i tida 6. - 13. september 2009. Lag og organisasjonar som vil vera med i trykt program må melda tilskipingar til nemnda innan tysdag 12. mai. Kulturdagane inngår i Kystsogevekene og det er gratis å få inn tilskipingar i det trykte programmet, som kjem ut i alle kystkommunane i Hordaland + Gulen.
Kulturminnedagen 13. september har tema
"Vatn og kulturminne frå dagleglivet".
Me vil setje søkjelyset på kva vatnet har hatt å seie for kultur- minna frå dagleglivet. Vatn er svært viktig for oss, det kan vere både ven og fiende.
Kulturdagsnemnda ynskjer forslag til tilskiping som kan fungere som opning av Kulturdagane søndag 6. september.
Osterøykalenderen 25 år !
Osterøykalenderen 2009
er no i sal av skuleelevar i Osterøy. Dei har einesal fram til
21.11. Då startar salet i SparebankenVest, Osterøy bok- og
papir, Joker Fotlandsvåg, Bjørndal handel, Kiwi Haus, Mix
Kiosken Valestrand og Osterøy Servicesenter (YX).
Kalenderen har tidlegare hatt 2 månader for kvart oppslag. 2009-utgåva, som er den 25. Osterøykalenderen, er utvida til
ein månad pr. side. Prisen er difor kr 100,-.
Forsida på den nye kalenderen viser Osterøybrua under fullmånen. Det er vidare mange fine bilder med tekst frå
ulike stader på Osterøy.
Overskotet frå sal av Osterøykalenderen går uavkorta til
Lions Club Osterøy sitt førebyggjande og humanitære
arbeid.
Tur til Bruviknipa
Følg Steinar Reigstad si skildring og
flotte bilder frå tur til Bruviknipa.
The Tall Ships Races 2008 i Bergen
Arrangementet i Bergen er slutt. Seilskutene har forlate havna, og lagt ut på den siste etappen til Den Helder i Nederland.
Men fekk du med deg fyrverkeriet frå festningen laurdag kveld?
Opning på Bryggen 9. august kl 1200.
Med The Tall Ships' Races som rame vert kystsogevekene opna av statsråd Anne-Grete Strøm-Eriksen frå scena på Bryggen. Styreleiar Bjørn Myren og byråd Henning Warloe talar, og det vert musikalske innslag frå Orknøyane og Shetland. Kulturdagar - Osterøy i dag inngår i Kystsogevekene med 14 arrangement.
Meir informasjon om opninga som pdf.
Har du fått med deg at Frida Sofie sitt husorkester spelar frå denne scena 11.09 kl 1950 under The Tall Ships' Races?
Tilskiparar finn informasjon og påmeldings-
skjema under knappen Kulturdagar over.
Kulturdagar 2008
Det vert kulturdagar på Osterøy i tida 7. - 14. september 2008. Lag og organisasjonar som vil vera med i trykt program må melda tilskipingar til nemnda innan torsdag 24. april. Det er gratis å få inn tilskipingar i det trykte programmet til Kystsoge-
vekene, som kjem ut i alle kystkommunane i Hordaland + Gulen.
Kulturminnedagen 14. september har tema "Mangfoldig fritid",
Me set søkjelys på kvar og korleis me nyttar fritida vår, og kva spor fritida viser i landskapet.
I år ynskjer Kulturdagsnemnda forslag til tilskiping som kan fun-
gere som opning av Kulturdagane søndag 7. september.
Bilder til Osterøykalenderen 2009
Kalenderen er under planlegging. Kalenderkomitéen ønskjer seg gode bilder frå Osterøy til kalenderen. Du kan levera bilder gjerne med tekst til medlemar av komitéen (dei finn du bak på årets kalender), eller på e-post til fotografsolberg@gmail.com.
Premiering i form av kalendrar.
Osterøy største tilskipar under Kystsogevekene
Med om lag 40 tilskipingar er Osterøy største tilskipar under Kystsogevekene som tok til 11. august. Denne dagen var det offisiell opning i Sveio. 19 hordalandskommunar og Gulen kommune er med i denne største samlinga av kystkultur i landet.
Programmet for Kystsogevekene 2007 er lagt ut på daglegvare-
butikkane, kroene, skulane, rådhuset, kyrkjekontoret, Osterøy
bibliotek og Osterøy museum. Oppdatert liste over tilskipingane på Osterøy finn du i link over. Kulturdagane i Osterøy vert avslutta med Kulturminnedagen sundag 9. september som i Osterøy er lagt opp som ei kulturløype mellom ulike forsamlingshus og Havråtunet.
Under knappen Kulturdagar 2007 over finn tilskiparar viktig informasjon og påmeldingsskjema.
Kulturdagar 2007
Set berre av tid med det same. Fyste veka i september står
i kulturens teikn på Osterøy. Frå 2. - 9. sept vert
Kulturdagar 2007 skipa til. Dette årvisse arrangementet vart i
fjor flytta slik at det inngår i Kystsogevekene.
Kulturdagar i Osterøy vert avslutta med kulturminnedagen sundag 09. sept. Då håpar kulturdagsnemnda å få til ei kulturløype gjennom alle lagshusa på Osterøy, tema for Kulturminnedagen 2007 er nemleg:
"Til glede og besvær" - Forsamlingshus, ungdomshus og bedehus.
Nemnda oppfordrar difor laga om å halda forsamlingshusa ope denne dagen, med gode aktivitetar som kan vera med på å trekkja folk innom. Andre arrangement vert viste til resten av veka.
Fransk
impresjonisme på muséet
Dei som fann vegen til Osterøy museum onsdags- kveld fekk ei oppleving av dei sjeldne!
Distriktsmusikarane på Voss, som er Karianne Stangenes Søvig – klaver, Gunn-Berit Kleiveland – cello, Øystein Haga – fløyte og Hans Olav Hjetland – fiolin, tok dei kring 60 frammøtte attende 100 år i tid, til impresjonismens musikalske høgdepunkt i det ”moderne” Paris. Dei framførte verk av Debussy, Ravel, Ibert og Satie. Mellom alle høgdepunkta var det ei spesiell oppleving å høyra fløytisten Øystein Haga spela ”Syrinx”
av
Debussy frå hemsen.
Professor Gunnar Danbolt var kyndig ”kjøgmeister” og reise- leiar. Med karakteristiske eksempel frå målarkunsten sette han både tida, trendane, komponistar og målarar inn i ein begripe- leg samanhang for oss. Eit vellukka samarbeid mellom musikarar og kunstpedagog som gav oss alle ei vakker oppleving. Av Randi Andersen Foto Rune Solberg
Ny Osterøykalender
er no i sal av skuleelevar i Osterøy, samt Bjørndal handel på Tysse.
Pris kr 70,-. Frå onsdag 22.11 vert kalenderen også seld i alle bankane, Osterøy bok- og papir, Joker Fotlandsvåg, og Bruvik handelslag.
Ny gjestebok er på plass på Stongfjellet.
Ostranett kjem tilbake med omtale av den gamle boka, som har lagt i kassen på 640 moh sidan 16. august 2002.
På toppen var det no om lag 12 cm nysnø, og eit par kuldegrader, som føltest kaldare pga. nordavinden. Det var råd å gå ned att til dels utan lykt, i lyset frå månen.
Ein kveldstur til Stongfjellet kan på det sterkaste tilråast. I klårver kan du også vera heldig å få med deg mange av oljeplattformane i Nordsjøen.
Opning av flaumlysanlegget
Flaumlysanlegget på Bullahuset er no ferdigmontert, og skal innvigast laurdag 21.10 kl 1830. Knut Henriksen deltar og det
vert kulturelle innslag ved Frida Sofie Borge og Tone Valtle.
Kulturdagsnemnda har hatt oppsummeringsmøte.
Om lag 1.200 publikumarar fekk oppleve eit variert kulturliv.
Alt frå nokre få til 150 personar deltok på eit 30-tals tilskipingar.
Kulturdagar
er
i gong
Sundag med ope på Osterøy museum, Munnspelkonsert på Stemmesegga, og Dukkenikkerne på Osterøy ungdomsskule.
Sjå kulturkalenderen for komplett program. Reportasjar frå tilskipingar finn du etter kvart i lenka Kulturdagar over. Send gjerne tekst og bilder frå arrangement til fotografsolberg@gmail.com
Kystsogevekene starta
12. august tok Kystsogevekene 2006 til med ei flott opning på Fjell festning. Dette er ei samling tilskipingar i 19 kystkomunar i Hordaland samt Gulen fram til 17. september. Den 10. september vert Kulturminnedagen markert, med felles tema i Norge, Sverige, Finland, Island og Estland, "Stader for ankomst og avreise". Denne dagen er det lagt opp til ei kulturløype på Osterøy. Kulturdagar 2006 i Osterøy inngår i Kystsogevekene. Sjå komplette program i link over.
Flaumlys på Bullahuset
Bullahus-kommitéen i Lions Club Osterøy arbeidar no med å få etablert eit flaumlysanlegg på Bullahuset på Valestrand. Huseigaren, Knut Hendriksen, har sjølvsagt stilt seg positiv til tiltaket.
Rådg. ingeniør i elektroteknikk Tormod Mjelde har vore engasjert i prosjekteringsfasen. Den tekniske løysinga kan du lesa meir om her.
For å få realisert prosjektet, som har ei kostnadsrame på over kr 60.000, trengs det hjelp også frå fleire hald. Det har kome tilsagn om dugnadshjelp og ein del midlar, men fleire midlar trengs for å få lyst opp denne stolte kulturskatten i kveldsmørket.
LandArt-løypa opna
Den nye LandArt-løypa frå Hosanger mot Kossdalen opna sundag. 8 kunstnarar og til saman 11 spanande kunstverk er med i år.
Dei 3 verka "Brakaportalen", "Seljekorga" og "Fløytespel" står att frå løypa frå i fjor.
8 verk er ny kunst laga i og av naturen.
Ordførar Kari Foseid Aakre opna utstillinga framføre dei 8 kunstnarane og eit mangetallig frammøtt publikum.
Postane til Osterøytrimmen er no lagt ut. Dei er fordelte over heile Osterøy. Kart får du kjøpt m. a. i Coop Lonevåg.
Du har no tida fram til 15. oktober til å vitja postane og notera
koden for kvar post på kartet. Då skal kartet leverast inn til trimkomitéen. Sundag 29. oktober vert det premieutdeling med underhaldning i Osterøyhallen.
Ein av postane ligg i Toskedalen og vert lagt ut sundag 25. juni
i samband med Tysse-Gammersvik-turen til Lions Club Osterøy.
Det vert trimsamling på post 1 den 5. juni, sjå kulturkalenderen.
Det knyter seg spenning til om snøføret i Osterøyfjella held seg i påskehelga.
Det er ikkje akkurat flust med snø frå Borgasætra mot Bruviknipa (bildet tatt måndag kveld i påskeveka). Men som ein ser er det nok til å ta seg fram utan å få for mykje lyng i klisteret. Det kan me prisa oss lukkelege over, så seint som påska kjem i år.
Tysdag kveld var det enno råd å gå på ski frå Njåstad og oppover. Spanninga knyter seg til korleis det melde regnveret påverkar føret resten av påskehelga.
Palmesundag om kvelden vart det observert
gaupespor på Stongfjellet. Spora var relativt ferske, truleg ikkje dagsferske. Det hadde ikkje vore folk på toppen dei siste 5 dagane
ifølgje boka. Og andre spor enn desse gaupespora var ikkje å sjå oppom Byrkjelandshyttene.
Gaupa har kome frå søraust, kanskje om Solbjørgsætra, gått over toppen og fortsett nedover att i retning Kupetjørnene.
